Málstaður sameinar helstu máltæknilausnir Miðeindar, byggðar á bestu gervigreindartækni fyrir íslensku, í einu notendavænu viðmóti. Með Málstað náum við fram markmiðum okkar um að íslenskt samfélag njóti ávinningsins sem fylgir nýjustu þróun í máltækni og gervigreind. Málfríður: Yfirlestur og leiðrétting á íslenskum texta ásamt ýmiss konar textavinnslu. Yfirlestrarvirknin hentar alls konar textum en sérstaklega vel textum frá fólki með lesblindu og fólki með annað móðurmál en íslensku. Með textavinnslu Málfríðar getur þú fengið textann á einföldu máli eða sem samantekt, til dæmis fyrir fundargerð. Hreimur: Umbreyting á tali í texta eða skjátexta. Tilvalinn til að vinna úr viðtölum eða texta myndbönd. Hreimur vinnur bæði úr hljóðskrám og myndskrám. Erlendur: Vélþýðing milli fjölmargra tungumála. Kemur að góðum notum við að miðla efni og auðveldar fólki með annað móðurmál en íslensku að taka þátt í samfélaginu. Snara: Leitarvél fyrir yfir 2 milljónir uppflettiorða í tugum orðabóka og uppflettirita. Orðabækur Snöru eru nú aðgengilegar á vefnum Málstað með nýju, fersku og glæsilegu viðmóti. Notendaviðmótið rennur ljúft, leitin er sneggri og hægt er að leita eftir ólíkum orðmyndum. Auðvelt er að skoða niðurstöður og aðrar svipaðar færslur með hliðarstikum. Hægt er að leita í sérviðmóti eða innan Málfríðar með því að velja texta. Hægt er að tengja saman ólíkar lausnir innan Málstaðar fyrir ólík notkunartilvik. Hægt er að kalla á Erlend innan Hreims og fá skjátexta við myndbönd á fjölmörgum tungumálum. Eins er hægt að taka upp fund eða fyrirlestur, fá talgreindan texta frá Hreimi og senda hann yfir í Málfríði í samantekt fyrir fundargerð eða glósur. Nokkrar leiðir eru til að nálgast Málstað, sem þjónar nú yfir 25.000 ánægðum notendum. Kostnaði við Málstað er haldið í lágmarki, enda skiptir okkur miklu máli að íslenskt samfélag njóti ávinningsins af tækniframförum. Auðvelt er að stofna aðgang, og í hópáskrift fylgir þægilegt hópstjórnborð til að halda utan um hópinn. Ókeypis aðgangur: Ókeypis aðgangur að Málstað er veglegur, og gerir kleift að kynna sér virkni hans og möguleika án skuldbindingar. Föst áskrift: Gegn lágu mánaðarlegu gjaldi fæst aðgangur að auknum fríðindum, svo sem aukin innifalin notkun og rýmri aðgangur. Frjáls áskrift: Frjáls áskrift hentar bæði fyrirtækjum og stofnunum og svo einstaklingum sem þurfa meira en býðst í fastri áskrift. Greitt er áskriftargjald eftir fjölda notenda, sem gefur nánast ótakmarkaðan aðgang að yfirlestri Málfríðar og orðabókum Snöru. Notkunargjald er greitt fyrir aðrar lausnir innan Málstaðar, svo auðvelt er að laga Málstað að þínum þörfum. Einnig er hægt að fá API aðgang að þjónustum Málstaðar í gegnum hópinn. í hópáskrift fylgir þægilegt hópstjórnborð til að halda utan um hópinn.