Miðeind er leiðandi á sviði máltækni og gervigreindar
Tæknin okkar gerir kleift að vinna með íslenskan texta og talmál í tölvum, símum og öðrum tækjum. Hugbúnaður Miðeindar er opinn og nýtist almenningi, fyrirtækjum og rannsakendum.
Vöruúrval Miðeindar
Miðeind býður upp á fjölbreyttar vörur og þjónustu sniðnar að ólíkum þörfum viðskiptavina.
Við erum ávallt til í að skoða nýja möguleika með þér.
Hafðu
samband á
mideind@mideind.is ef
þú vilt taka spjallið!
Samstarfsaðilar okkar
Miðeind hefur átt í farsælu samstarfi við fjölmarga aðila, bæði innanlands og utan.
Það er gaman í vinnunni
Hjá Miðeind starfar þéttur og öflugur hópur fólks með brennandi áhuga á máltækni og gervigreind. Við segjum stundum að við störfum á mörkum rannsókna og hagnýtingar, og þar er gaman að vera. Við tókum þátt í fimm ára máltækniáætlun stjórnvalda, þar sem unnið var að kjarnaverkefnum og innviðum fyrir íslensku. Við þróum jafnframt vörur og þjónustu sem byggja á nýtingu þessarar nýju og spennandi tækni til hagsbóta fyrir almenning og atvinnulíf. Ef þig langar að slást í hópinn skaltu endilega skoða starfasíðuna okkar eða senda okkur póst á starf@mideind.is!
Sjáðu í gegnum holt og hæðir…
Heimurinn verður sífellt tæknivæddari. Stóru alþjóðlegu tæknifyrirtækin ráða miklu um þróunina. Í því umhverfi verður æ mikilvægara að huga að gegnsæi, persónuvernd og eignarhaldi á gögnum. Miðeind er íslenskt sprotafyrirtæki sem byggir á litlu en öflugu teymi og er annt um íslenska tungu í tækniveröld. Við tökum persónuvernd alvarlega. Þú hefur ávallt stjórn á þínum gögnum hjá okkur og hugbúnaður okkar er opinn á netinu, hverjum sem er til skoðunar.